केबलकार सञ्चालन गर्दै आएको चन्द्रागिरि हिल्स कम्पनीको नाफा ६३ प्रतिशत बढेको छ ।
कम्पनीले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार तीन महिनामा २ करोड १३ लाख रुपैयाँ खुद नाफा कमाएको छ ।
गत वर्षको यो अवधिमा कम्पनीको खुद नाफा १ करोड ३१ लाख रुपैयाँ थियो ।
सञ्चालन आम्दानीमा आएको वृद्धि र वित्तीय लागत घट्दा कम्पनीको नाफामा टेवा पुगेको छ ।
कम्पनीको सञ्चालन आम्दानी गत वर्षको पहिलो त्रैमासमा १८ करोड ६४ लाख रुपैयाँ रहेकोमा यो वर्षको सो अवधिमा २० करोड ६१ लाख पुगेको छ ।
वित्तीय लागत भने कम्पनीले ७ प्रतिशत घटाएको छ । कम्पनीको वार्षिक प्रतिसेयर आम्दानी पनि ३ रुपैयाँ ४२ पैसाबाट बढेर ५ रुपैयाँ ५७ पैसा पुगेको छ ।
त्यस्तै प्रतिसेयर नेटवर्थ ७५ रुपैयाँ १४ पैसाबाट बढेर ८६ रुपैयाँ ११ पैसा कायम भएको छ । पर्यटन क्षेत्रको यो कम्पनीको हाल सेयर बजारमा मूल्य प्रतिकित्ता १ हजार ७७ रुपैयाँ छ ।
