राष्ट्रिय स्वतन्त्र पार्टी (रास्वपा) का सभापति रवि लामिछानेको चीन भ्रमण स्थगित भएको छ ।
उच्च स्रोतका अनुसार लामिछानेको चीन भ्रमण हाललाई स्थगित गरिएको हो । अगस्ट दोस्रो साता हुने भनिएको भ्रमण यसअघि एक महिना पछि सारिएको थियो ।
तर सेप्टेम्बर दोस्रो साता पनि लामिछानेको चीन भ्रमण नहुने भएको स्रोतले जनाएको छ । अब सांसदहरूको टोली मात्रै चीन जाने तयारी रहेको बताइएको छ ।
भारत भ्रमणपछि सभापति लामिछानेले चीन भ्रमण गर्ने तय भएको थियो ।
