राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ९८७ शव प्राप्त भइसकेका छन् । त्यसमध्ये करिब १०० शव काठमाडौं आइपुगेको छ ।
काठमाडौंमा उपर्युक्त ठाउँ पत्ता लगाउन निकै कसरत गर्नु परेको प्रमुख जिल्ला अधिकारी पौडेलले जानकारी दिए । उनी भन्छन्, ‘तीन–चार दिनको लगातारको प्रयासपछि मात्र ठाउँ पत्ता लगाउन सक्यौं ।’
सरकारले पहिचान नभएका तथा बेवारिसे शव व्यवस्थापन निर्देशिका, २०७८ अनुसार शवहरूको व्यवस्थापन गर्न लागेको हो। निर्देशिकामा संकलित शवको मुचुल्का, शवको प्रारम्भिक पहिचान, थप विधिको प्रयोग गरेर शवको पहिचान, सनाखत, अभिलेखीकरण, संकेत चिह्न राख्नुपर्ने प्रावधान छ।
