नेपाली कम्युनिस्ट पार्टी (नेकपा) का सङ्घीय सांसदहरूले १५ दिनको तलब भोटेकोशी बाढी प्रभावित क्षेत्रका पीडितहरूलाई दिने निर्णय भएको छ ।
सङ्घीय संसद्का सांसदहरू र स्वकीयबाट १५ दिनको तलब कटाएर प्रधानमन्त्री राहत कोषमा जम्मा गर्ने निर्णय भएको प्रमुख सचेतक युवराज दुलालले जानकारी दिए ।
सङ्घ बाहेक ७ वटै प्रदेश सांसदहरू र स्थानीय जनप्रतिनिधिबाट रकम उठाएर एकमुष्ट रूपमा कोषमा जम्मा गर्ने उनले बताए ।
‘बाढी प्रभावित क्षेत्रका जनतालाई राहत दिनका लागि सङ्घीय सांसद र स्वकीयबाट १५ दिनको तलब प्रधानमन्त्री राहत कोषमा जम्मा गर्ने निर्णय भएको छ ।
यो बाहेक सातै प्रदेश र स्थानीय जनप्रतिनिधिबाट एकमुष्ट राहत जम्मा गर्छौँ’, दुलालले भने ।
नेकपाको सङ्घीय संसद्को दुवै सदनमा कुल ३४ जना सांसद छन् । यसअघि पार्टीले बाढी प्रभावित क्षेत्रका जनतालाई राहत दिन २५ लाख दिने निर्णय गरेको थियो ।
यसैबिच, एमालेका सांसदहरूले पनि १५ दिनको पारिश्रमिक कोषमा बुझाउने निर्णय गरेका छन् ।
प्रतिक्रिया
सम्बन्धित खवर
