दाङको राप्ती नदीमा बगेर बेपत्ता भएका एक युवकको शव तीन दिनपछि फेला परेको छ ।
गत शुक्रबार दिउँसो बजे राप्ती नदीमा माछा मार्ने क्रममा बगेर बेपत्ता भएका राप्ती गाउँपालिका-३ मसुरीयाका ३७ वर्षीय रामचरण चौधरीको शव आइतबार राति फेला परेको हो ।
इलाका प्रहरी कार्यालय, भालुवाङ, सशस्त्र प्रहरी बल २९ नम्बर हेट क्वाटर ज्वालामाई गण भालुवाङको टोलीले खोजतलास गर्ने क्रममा आइतबार राति करिब २ बजे गढवा गाउँपालिका-१, जेठानगाउँको राप्ती नदीघाटमा चौधरीको शव फेला परेको गणका एसपी गोपाल श्रेष्ठले जानकारी दिए ।
चौधरीको शव पोष्टमार्टमका लागि घोराही पठाइएको छ ।
