बलिउड अभिनेता रणवीर सिंह भगवान् शिवको कथामा आधारित फिल्ममा देखिने भएका छन् । यस फिल्ममा रणवीरले भगवान् शिवको भूमिका निर्वाह गर्नेछन् ।
मिडिया रिपोर्टका अनुसार, रणवीर ‘द इमोर्टल्स अफ मेलुहा’मा आधारित फिल्ममा भगवान् शिवको भूमिका निर्वाह गर्नेछन् । रणवीरले आफ्नो निर्माण कम्पनी ‘माँ कसम फिल्म्स’मार्फत ‘द इमोर्टल्स अफ मेलुहा’को अधिकार प्राप्त गरेका छन् ।
यो पुस्तक र यसका दुई सिक्वेलहरूले मेलुहाको प्राचीन राज्यमा एक हिमालयी योद्धाको कथा भन्छ । रणवीरले बिर्ला स्टुडियोसँगको सहकार्यमा यो कथालाई तीन प्रमुख फिल्महरूको शृङ्खलाको रूपमा विकास गर्ने योजना बनाएका छन् ।
रणवीरले यो कथालाई धेरै समयदेखि ठुलो पर्दामा ल्याउन चाहेका थिए । सम्पूर्ण टोलीले फिल्मको पटकथामा काम गरिरहेको बताइएको छ । पहिलो फिल्मको छायांकन २०२८ मा सुरु हुने अपेक्षा गरिएको छ । हाल, परियोजनाको विवरण गोप्य राखिएको छ, र निर्देशकको नाम पनि फाइनल गरिएको छैन । पटकथा तयार भएपछि, निर्देशक छनोट गरिनेछ ।
‘द इमोर्टल्स अफ मेलुहा’ २०१० मा प्रकाशित अमीश त्रिपाठीको शिव ट्रियोलोजीको पहिलो पुस्तक हो । यसले मेलुहाको राज्यमा आइपुग्ने शिव नामक एक साधारण हिमाली योद्धाको कथा बताउँछ ।
कथाले पौराणिक कथा, इतिहास र काल्पनिकतालाई मिसाउँछ । त्यसपछि ‘द सेक्रेट अफ द नागास’ र ‘द ओथ अफ द वायुपुत्र’ आयो । यी तीन पुस्तकहरू भारतको सबैभन्दा धेरै बिक्री हुने ट्रियोलोजीमा पर्दछ । आजसम्म यसका २५ लाखभन्दा बढी प्रतिहरू बिक्री भइसकेका छन् ।
