श्रम संस्कृति पार्टीका अध्यक्ष तथा सांसद हर्क साम्पाङले धर्मनिरपेक्षताको विरुद्धमा हुने कुनै पनि संवाद वा सहमति आफ्नो पार्टीलाई स्वीकार्य नहुने बताएका छन्।
आइतबार सामाजिक सञ्जालमार्फत धारणा सार्वजनिक गर्दै उनले गृहमन्त्रीले गरेको भनिएको सम्झौता आफ्नो पार्टीले नमान्ने स्पष्ट पारे। साम्पाङले विशेष गरी धर्मनिरपेक्षताको सिद्धान्त विपरीत हुने कुनै पनि संवाद वा सहमतिले वैधता नपाउने जिकिर गरेका छन्।
उनले आफ्नो फेसबुक स्ट्याटसमा धर्मनिरपेक्षताविरुद्ध गरिने कुनै पनि सहमतिको अर्थ नरहने उल्लेख गर्दै त्यसप्रति असहमति जनाएका छन्।
