सोमबार सुनको मूल्य घटेको छ । यस दिन सुनको मूल्य प्रतितोला ३०० रुपैयाँले घटेको हो । पछिल्लो दुई कारोबार दिनदेखि सुनको मूल्यमा गिरावट भएको हो ।
नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख ५२ हजार रुपैयाँ कारोबार भइरहेको छ । आईतबारको बजारमा छापावाला सुन प्रतितोला एक लाख ५२ हजार ३०० रुपैयाँमा कारोबार भएको थियो ।
यस दिन चाँदीको मूल्य पनि घटेको छ । आज चाँदी तोलामा २० रुपैयाँले घटेर प्रतितोला एक हजार ७७५ रुपैयाँमा झरेको छ । आईतबार चाँदीको मूल्य प्रतितोला एक हजार ७९५ रुपैयाँमा किनबेच भएको थियो ।
