चर्चित भारतीय गायक नवजोत आहुजा सांगीतिक प्रस्तुतिको लागि नेपाल आएका छन् । उनले आज बेलुका राजधानीको एक क्लबमा आयोजना हुने कार्यक्रममा आफ्ना गीत प्रस्तुत गर्नेछन् ।
जहाँ उनले ‘तेरे लिए मंदिर जाऊँ, तेरे नाम का दिया जलाऊँ’ लगायत थुप्रै गीतमा दर्शकलाई झुमाउनेछन् ।
तेरे लिए मंदिर जाऊँ, तेरे नाम का दिया जलाऊँ’ आहुजाको सांगीतिक यात्राको सबैभन्दा हिट गीत हो । यो गीत उनको ‘खत’ एल्बममा समावेश छ । त्यसबाहेक उनका तू ही हूँ, खुद से मोहब्बत, इंतज़ार, मेरे हो तुम, चले गएलगायत दजनौं गीत चर्चित छ ।
मंगलबार बेलुका काठमाडौं विमानस्थलमा उत्रिएका उनले संचारकर्मीसँग कुरा गर्दै आफ्नो प्रस्तुति दिन निकै उत्सुक रहेको बताए । ‘म पहिलोपटक नेपाल आएको हुँ । मलाई नेपाल मन पर्छ । नेपाली संस्कार र संस्कृति राम्रो लाग्छ,’ उनले भने, ‘नेपाली दर्शकमाझ आफ्नो प्रस्तुति दिन म निकै उत्सुक छु ।’
